BAKI, 25 iyul — Sputnik. Rusiya Federasiyasının "Sergey Kotov" patrul gəmisi Qara dənizdə ona hücum edən Ukraynanın iki pilotsuz katerini məhv edib, gəmi heyətində xəsarət alan olmayıb. Bu barədə Rusiya Müdafiə Nazirliyi məlumat yayıb.
"Bu gecə Ukrayna silahlı qüvvələri Qara dənizin cənub-qərb hissəsində (Sevastopoldan 370 km cənub-qərb) naviqasiyaya nəzarət etmək üçün tapşırıqları yerinə yetirən Qara Dəniz Donanmasının "Sergey Kotov" patrul gəmisinə iki pilotsuz qayıqla uğursuz hücum cəhdi edib", - məlumatda deyilir.
"Hücumun dəf edilməsi zamanı Rusiya gəmisinin standart silahlarından 1000 və 800 metr məsafədən açılan atəşlə düşmənin hər iki uzaqdan idarə olunan kateri məhv edilib", - Müdafiə Nazirliyi bildirib.
Qeyd olunur ki, gəminin ekipajında itki yoxdur, Qara dəniz donanmasının "Sergey Kotov" gəmisi öz tapşırıqlarını yerinə yetirməkdə davam edir".