BAKI, 21 iyul — Sputnik. Harvard Tibb Məktəbinin alimləri xroniki qəbizliyin koqnitiv funksiyaların (düşüncə və yaddaş) pisləşməsinin xəbərçisi ola biləcəyini müəyyən ediblər.
Bu barədə "Qazet.ru" Amsterdamdakı Altsheymer Xəstəliyi Assosiasiyasının iclasında təqdim olunan tədqiqatın nəticələrinə istinadən xəbər verib.
Tədqiqatda 110 mindən çox orta yaşlı və yaşlı amerikalıların məlumatları təhlil edilib. Qəbizliyi olmayan həmyaşıdları ilə müqayisədə, bağırsaq fəaliyyəti həftədə üç dəfədən az olan insanlar yaddaş və düşünmə testlərində daha pis nəticə göstəriblər və 73% insanın koqnitiv qabiliyyətlərinin daha çox pisləşdiyini bildiriblər. Dəyişikliklər əlavə üç illik yaşlanmaya bərabər olub.
Tədqiqatçılar qəbizlik və təfəkkürün bağırsaq mikrobiomu ilə əlaqəli olduğunu irəli sürürlər. Onlar müəyyən ediblər ki, qəbizlik olan və koqnitiv qabiliyyəti zəifləyən insanlarda iltihabı idarə etməyə kömək etmək üçün butirat istehsal edən (yağ turşusu istehsal edir) nisbətən az bağırsaq bakteriyası olur. Bağırsaq bakteriyalarına butirat istehsal etmək üçün lifə ehtiyac duyur, bu da qəbizliyin qarşısını alır.
Bundan əlavə, bu yaxınlarda aparılan digər bir araşdırma, beynində erkən Altsheymer əlamətləri olan insanların da digər yaşlı insanlardan fərqli bağırsaq mikrobiomuna sahib olduğunu müəyyən edib.
Alimlər qeyd ediblər ki, insanlar tərəvəz, meyvə, bütöv dənli bitkilər və paxlalılar kimi liflə zəngin qidalar qəbul etməklə, həmçinin müntəzəm idman etməklə qəbizliyin qarşısını ala və bağırsaq sağlamlığını yaxşılaşdıra bilərlər. Digər tədqiqatlar eyni həyat tərzi vərdişlərini koqnitiv funksiya və demensiya riskinin azalması ilə əlaqələndirib. Bəlkə də qəbizliyi olmayan insanlar daha sağlam həyat tərzi sürürlər.
Alimlərin tədqiqatları ilkin hesab olunur və qəbizliyin özünün beyin qocalmasını sürətləndirdiyini sübut etmir. Bununla belə, nəticələr vacibdir, çünki onlar bağırsaq sağlamlığı və koqnitiv funksiyası arasında əlaqənin sübutlarını tamamlayır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.