BAKI, 21 iyul — Sputnik. "Mediada müəyyən eniş-yoxuşların olması Azərbaycanın və Rusiyanın siyasətinə təsir etmir. Azərbaycan rəhbərliyinin siyasi iradəsin belə məqamların təsiri yoxdur. Ona görə hesab edirəm ki, münasibətlərimizin gələcəyi ötən illər ərzindəki kimi pozitiv və uğurlu olacaq".
Sputnik Azərbaycan-ın xəbərinə görə, bu sözləri Azərbaycan Prezidenti İlham Əliyev "4-cü Sənaye İnqilabı dövründə Yeni Media" mövzusunda Şuşa Qlobal Media Forumunda çıxışında söyləyib.
Dövlət başçısı jurnalistlərin öz düşüncələrində sərbəst olduqlarını və belə olduqda müxtəlif fikirlərin qaçılmazlığını qeyd edib. Prezident Rusiyanın Qarabağ məsələsinin həllində rolunu vurğulayıb və iki ölkə arasında iqtisadi əməkdaşlığın olduğunu qeyd edib.
Qeyd edək ki, Prezident İlham Əliyevin tapşırığına əsasən "Heydər Əliyev İli" çərçivəsində və Azərbaycan Milli Mətbuatının 148-ci ildönümü ilə bağlı keçirilən Forumda 49 ölkədən 150 xarici qonaq, o cümlədən dünyanın 34 ölkəsinin dövlət informasiya agentliyi, 12 beynəlxalq təşkilat və media qurumu qatılıb. Həmçinin Forumda 60 yerli media rəhbəri və nümayəndəsi iştirak edir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.