BAKI, 19 iyul — Sputnik. İyulun 19-da Pekində Mərkəzi Asiya məsələləri üzrə Rusiya-Çin XİN-ləri arasında məsləhətləşmələr keçirilib. Tərəflər regional gündəliyi, o cümlədən təhlükəsizlik sahəsindəki məsələləri nəzərdən keçiriblər.
"Rusiya və Çin arasında siyasi və iqtisadi sahədə qarşılıqlı fəaliyyət məsələləri, o cümlədən təhlükəsizlik məsələləri də daxil olmaqla, qarşılıqlı maraq doğuran regional gündəliyə diqqət yetirilib", - Rusiya Xarici İşlər Nazirliyinin bəyanatında deyilir.
"Məsləhətləşmələr yeni dövrə qədəm qoyan Rusiya-Çin hərtərəfli tərəfdaşlığı və strateji qarşılıqlı əlaqələri üçün xarakterik olan dostluq və etimad nühitində keçib", - deyə Rusiya XİN-dən bildirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.