BAKI, 15 iyul — Sputnik. İyulun 15-də Bakıda və Abşeron yarımadasında hava yağmursuz olacaq. Milli Hidrometeorologiya Xidmətindən verilən məlumata görə, şimal-qərb küləyi gündüz şimal-şərq küləyi ilə əvəz olunacaq.
Havanın temperaturu 31-36° isti olacaq. Atmosfer təzyiqi 759 mm civə sütunundan 755 mm civə sütununa enəcək. Nisbi rütubət 35-45% olacaq.
Azərbaycanın rayonlarında hava əsasən yağmursuz olacaq. Bəzi şimal və qərb rayonlarında arabir yağış yağacağı, şimşək çaxacağı gözlənilir. Mülayim qərb küləyi əsəcək.
Səhər bəzi rayonlarda duman. Havanın temperaturu 33-38°, dağlarda 18-23° isti olacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.