RF-in Donbasın müdafiəsi üzrə xüsusi əməliyyatı

Peskov Krım körpüsündə nəqliyyatın hərəkətindən danışdı

Peskov təhlükəsizliyi təmin etməklə yanaşı, nəqliyyatın hərəkətini tamamilə nəzarətsiz etməyin mümkün olmadığnı deyib.
Sputnik
BAKI, 10 iyul — Sputnik. Krım körpüsündə nəqliyyatın tam hərəkəti təhlükəsizlik tələblərinə görə mümkün deyil, lakin tıxaclarla bağlı çətinlikləri minimuma endirmək üçün lazım olan hər şey edilir. Bunu jurnalistlərə Rusiya Federasiyası Prezidentinin mətbuat katibi Dmitri Peskov deyib.
O xatırladıb ki, bu mövzu Rusiya prezidenti Vladimir Putin tərəfindən hökumətlə görüşdə ətraflı müzakirə edilib, o cümlədən bu nəqliyyat arteriyasının təhlükəsizliyinin təmin edilməsinin vacibliyi qeyd olunub.
"Təhlükəsizliyi təmin etməklə yanaşı, nəqliyyatın hərəkətini tamamilə nəzarətsiz etmək mümkün deyil. Ona görə də bəli, müəyyən xərclər var və olacaq, lakin bu xərcləri minimuma endirmək və vətəndaşlar, turistlərimiz üçün hər cür şəraiti təmin etmək üçün tədbirlər görülür", - Peskov dedi.
Prezidentin sözçüsü əlavə edib ki, "bu tıxaclar daimi deyil", bir-iki gün davam edib aradan qalxa bilər. "Onlar həftənin sonuna, trafik artdıqda artır, sonra isə həftənin əvvəlində və ortasında azalır", - Peskov bildirib.