BAKI, 7 iyul — Sputnik. Rusiya Prezidenti Vladimir Putin iyulun sonunda Sankt-Peterburqda keçiriləcək Rusiya-Afrika sammitində iştirak edəcək.
"TASS" xəbər agentliyinin məlumatına görə, bu barədə Kremlin sözçüsü Dmitri Peskov brifinqdə bildirib.
"Bəli, əlbəttə" - deyə, o, bununla bağlı suala cavab verib.
Peskov əlavə edib ki, hazırda tədbirə fəal hazırlıq gedir.
Xatırladaq ki, bundan əvvəl Rusiyanın xarici işlər naziri Sergey Lavrov da bu barədə danışıb və qeyd edib ki, gündəm yeni maraqlı maddələrlə tamamlanır.