BAKI, 6 iyul — Sputnik. Fransanın siyasəti Cənubi Qafqazda heç də davamlı sülhə xidmət etmir. Bunu Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev Bakıda "Kolonializmin tamamilə aradan qaldırılmasına doğru" mövzusunda keçirilən tədbirdə deyib.
O bildirib ki, Avropa İttifaqı Şurasının Prezidenti Şarl Mişel Azərbaycan və Ermənistan arasında sülh sazişinin imzalanmasından ötrü səylər göstərir. Ancaq Fransa Azərbaycanla Ermənistan arasında sülh sazişinin imzalanmasına fərqli münasibət ortaya qoyur.
F.Şəfiyev qeyd edib ki, Qoşulmama Hərəkatı vacib bir platformadır. Bu Hərəkat Azərbaycanı dəstəkləyib.
Qeyd edək ki, ötən gün başlayan Qoşulmama Hərəkatının (QH) Əlaqələndirici Bürosunun Nazirlər İclası bu gün başa çatacaq.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.