BAKI, 4 iyul — Sputnik. Ukrayna Silahlı Qüvvələrinin yüksək rütbəli zabitləri bildiriblər ki, Kiyevə Fransa, Almaniya və İtaliyadan gətirilən hərbi texnika ukraynalı hərbçilərin ölümünə səbəb olur.
Bu barədə Amerikanın "Military Watch Magazine" portalı məlumat yayıb.
Qeyd olunub ki, Ukrayna Silahlı Qüvvələri tərəfindən cəbhə xəttində döyüş əməliyyatları üçün kifayət qədər effektiv zirehlərə malik olmayan təkərli "AMX-10RC" tankını tənqid edilib.
Məqalə müəllifləri belə qənaətə gəliblər ki, Ukraynaya Avropa ölkələrindən tədarük edilən silahların keyfiyyəti o qədər də yaxşı deyil.
Rusiyada Ukraynaya Qərb dövlətləri tərəfindən həyata keçirilən silah-sursat tədarükünün əleyhinə çıxırlar. Kreml bildirib ki, Kiyevi silahla təmin etmək sülh danışıqlarına müsbət təsir göstərmir və münaqişəni daha da gərginləşdirir. Rusiyanın xarici işlər naziri Sergey Lavrovun qeyd etdiyi kimi, ABŞ və Şimali Atlantika Alyansı münaqişədə birbaşa iştirak edirlər.
Qeyd edək ki, iyulun 3-də Almaniyanın müdafiə naziri Boris Pistorius yaxın həftələrdə onlarla "Leopard 1A5" tankının Ukraynaya təhvil veriləcəyini açıqlayıb.