BAKI, 22 iyun — Sputnik. Rusiyalıların əksəriyyəti (75%) Böyük Vətən Müharibəsinin başlamasının dəqiq tarixini bilir.
Ümumrusiya İctimai Rəyin Öyrənilməsi Mərkəzinin (UİRÖM) keçirdiyi sorğunun nəqicələri bu qənaətə gəlməyə əsas verib.
Rusiyalıların əksəriyyəti (75%) Böyük Vətən Müharibəsinin başlamasının dəqiq tarixini bilir - 22 iyun 1941-ci il. Bu, 2007-ci ildəkindən 10 faiz bəndi (65%) və bir il bundan əvvəlkindən (73%) iki faiz bəndi çoxdur.
45-59 yaş arasında olanlar (86%) və 60 yaşdan yuxarı olanlar (85%) daha tez-tez düzgün cavab veriblər. Ən az düzgün cavabı bilənlər 25-34 yaş arasında olanlardır (57%).
Rusiyalıların 17%-i başqa tarix söyləyiblər, digər 8%-i isə cavab verməkdə çətinlik çəkib.
"ÜİRÖM-Sputnik" ümumrusiya telefon sorğusu 2023-cü il iyunun 11-də 18 və yuxarı yaşda olan 1600 rusiyalı arasında keçirilib. Məlumatlar sosial-demoqrafik parametrlərlə ölçülür. 95% ehtimalı ilə marjinal səhv 2,5% -dən çox deyil.