BAKI, 22 iyun — Sputnik. Gəncəyə güclü yağış yağıb.
Bu gün səhər saat 09:00 radələrində güclü yağış yağmağa başlayıb. Nəticədə bir neçə küçəyə yağış suları gəlib. Yağış suları ilə əlaqədar avtomobillərin və insanların hərəkətində çətinliklər yaranıb. Hazırda yağıntı davam edir.
Qeyd edək ki, qərb bölgəsini əhatə edən rayonlarda yağışlı hava şəraiti davam edir (APA).
Xatırladaq ki, bir müddət öncə bənzər hadisə Şəmkir rayonunun Zəyəm kəndində qeydə alınmışdı. Güclü yağışdan sonra kəndi sel basmışdı.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.