BAKI, 21 iyun — Sputnik. Türkiyənin sosial rifahı təmin etmək üçün uzunmüddətli iqtisadi strategiyaya ehtiyacı var, qısamüddətli tədbirlər bütün problemləri həll etməyəcək. Bunu türkiyəli iqtisadçı Arda Tunc RİA Novosti-yə bildirib.
Minimum əmək haqqını müəyyən edən komissiya çərşənbə axşamı bildirib ki, Türkiyə hakimiyyəti iyulun 1-dən ölkədə minimum əmək haqqını üçdə bir dəfə, hazırkı məzənnə ilə 360 dollardan 483 dollara qaldırmaq niyyətindədir. Türkiyə Prezidenti Rəcəb Tayyib Ərdoğan prezident seçkilərində qalib gəldikdən sonra hökumətin ölkədə minimum əməkhaqqı və pensiyaları mərhələli şəkildə artıracağını vəd etmişdi.
"Dövlət əhalinin müdafiəsi üçün ayağa qalxmalıdır, bütün tədbirlər buna yönəldilməlidir. İndiki mənzərə nikbinlik yaratmır. Daha geniş baxmaq lazımdır. Türkiyə iqtisadiyyatı, iqtisadiyyata yanaşma dəyişdirilməlidir, həm də iqtisadiyyata münasibət dəyişməlidir. Yəni, minimum əməkhaqqının artırılması kimi qısamüddətli tədbirlər faydalı olmayacaq. Bizə uzunmüddətli planlaşdırma, əsaslı dəyişikliklər lazımdır. Bundan sonra nə olacaq? Minimum əməkhaqqını altı aydan bir dəyişin? Yalnız rəqəmlər dəyişir, bu, problemin həlli deyil", - deyə iqtisadçı bildirib.
Qeyd edək ki, Türkiyənin Xəzinə və Maliyyə Naziri Mehmet Şimşekin rəhbərlik etdiyi yeni iqtisadiyyat kabinetin bir müddət aşağı faiz siyasətindən uzaqlaşacağı gözlənilir. Bunun Türkiyənin çıxış əldə etdiyi beynəlxalq kapitalı şaxələndirəcəyi və artıracağı düşünülür.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.