BAKI, 21 iyun - Sputnik. Türkiyənin xarici işlər naziri Hakan Fidan Londonda Ukraynanın bərpası üzrə konfransda ABŞ dövlət katibi Antoni Blinkenlə görüşüb.
Türkiyə mediasının yazdığına görə, onlar ikitərəfli və regional məsələləri müzakirə ediblər.
Tərəflər müzakirələr zamanı Azərbaycanla Ermənistan arasında münasibətlərin normallaşması barədə də fikir mübadiləsi aparıblar.
Görüşdə eləcə də Ukraynadakı vəziyyət, NATO-nun genişlənməsi və ikitərəfli əlaqələr müzakirə mövzusu olub.
Müzakirələr Ukraynanın yenidən qurulmasına dair ikigünlük beynəlxalq konfrans çərçivəsində baş tutub.