BAKI, 16 iyun — Sputnik. Rusiya sadələşdirilmiş qaydada vətəndaşlıq almaq hüququ olan əcnəbilərin peşə və ixtisaslarının siyahısını genişləndirib.
Müvafiq sənəd Rusiya Federasiyasının Əmək və Əhalinin Sosial Müdafiəsi Nazirliyi tərəfindən təsdiq edilib.
Peşələrin siyahısına inşaatçılar, tibb işçiləri, fermerlər, müəllimlər, jurnalistlər, mühəndislər və bir çox başqaları daxildir. Ümumilikdə siyahıya 14 bölmə üzrə 203 ixtisas daxildir.
Xatırladaq ki, "Vətəndaşlıq haqqında" qanuna edilən dəyişiklik Rusiya Federasiyasında sadələşdirilmiş qaydada vətəndaşlıq sənədinin alınması üçün tələb olunan yaşayış müddətinin 3 ildən 1 ilə endirilməsini təklif edir.
Qanun layihəsi həmçinin 20-dən çox kateqoriyadan olan şəxslərə Rusiya vətəndaşlığına qəbul edilərkən qoyulan tələblərin sayının azaldılmasını, habelə sadələşdirilmiş qaydada Rusiya vətəndaşlığı əldə etmək hüququ olan şəxslərin kateqoriyasını müəyyən etmək üçün prezidentin səlahiyyətlərinin genişləndirilməsini nəzərdə tutur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.