BAKI, 15 iyun - Spunik. Rusiya Prezidenti Vladimir Putin türkiyəli həmkarı Rəcəb Tayyib Ərdoğanın dəvəti ilə Türkiyəyə səfər etməyi planlaşdırır.
APA xəbər verir ki, bunu Rusiya Prezidentinin köməkçisi Yuri Uşakov bildirib.
Onun sözlərinə görə, səfərin konkret tarixi hələ müzakirə edilməyib.
"Türkiyə prezidenti bizim prezidentimizə onun Türkiyəyə səfərə dəvətini təsdiqləyib. Planlar var, lakin konkret tarixlər hələ müzakirə olunmayıb", - deyə Putinin beynəlxalq məsələlər üzrə köməkçisi Uşakov Rusiya Federasiyası Prezidentinin Türkiyəyə səfərinin planlaşdırılıb-planlaşdırılmadığı ilə bağlı suala cavabında bildirib.