BAKI, 14 iyun — Sputnik. Pakistan özü üçün təhlükə yaradan Çin və ABŞ arasında gərginliyin başlanmasından narahatdır. Bunu "Politico" nəşrinə müsahibəsində Pakistanın Xarici İşlər üzrə Dövlət Naziri Xina Rabbani Xar deyib.
Onun sözlərinə görə, dünyanın iki bloka mümkün bölünməsi Pakistan üçün təhlükəlidir.
"Biz dünyanı daha da parçalayan bu parçalanmadan çox narahatıq", - deyə nazir bildirib.
O vurğulayıb ki, İslamabad və Vaşinqton arasında uzun tərəfdaşlıq tarixi var və ölkə bundan imtina etmək niyyətində deyil. Xina Rabbani Xar əlavə edib ki, Pakistan Çin ilə sıx əməkdaşlığa da davam edir.
Qəzet xatırladır ki, keçən il ABŞ Dövlət Departamenti Pakistan Hərbi Hava Qüvvələrində xidmətdə olan Amerika F-16 qırıcılarının saxlanması üçün 450 milyon dollar ayırıb. Çin Pakistanda avtomobil yolları və dəmir yolları inşa edir və infrastruktura sərmayə qoyur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.