BAKI, 9 iyun — Sputnik. Bəzi Aİ ölkələri Ukraynadan olan qaçqınlardan yorğunluq hiss etməyə başlayıb.
"AP News" bu barədə xəbər verib.
Nəşr, eyni zamanda, Aİ-nin daxili işlər üzrə komissarı İlva Yohanssonun sözlərini sitat gətirir. Yohanssonun xüsusi hesabatında deyilir ki, bəzi Avropa dövlətlərində "həmrəylikdən yorğunluq"adlandırıla bilən nələrsə görünməyə başlayır.
Aİ-nin Ukrayna üzrə xüsusi müşaviri Lodeyvik Aşer də ev sahibi olan ölkələrdə orta və aşağı gəlirli ailələrin yaşayış böhranından əziyyət çəkdiyinə diqqət çəkib.
"Xüsusilə ən həssas qaçqınlar arasında, eləcə də ev sahibi olan əhalinin ən həssas təbəqələri arasında yorğunluq var" – deyə o, bildirib.
Bundan əvvəl Polşanın Lüblin şəhərində sosial işçilərə ukraynalı qaçqınların ailələrindəki problemlər barədə getdikcə daha çox məlumat verildiyi bildirilib.