BAKI, 8 iyun — Sputnik. Türkiyənin xarici işlər naziri Hakan Fidan ABŞ dövlət katibi Entoni Blinken İsveçin NATO-ya üzvlüyü və taxıl müqaviləsini müzakirə edib.
"Bu gün xarici işlər naziri Hakan Fidan ABŞ-ın dövlət katibi Entoni Blinkenlə telefon danışığı aparıb. Cənab Blinken nazir Fidanı yeni təyinatı münasibətilə təbrik edib", - Türkiyənin Xarici İşlər Nazirliyindən verilən məlumatda bildirilib.
Danışıqlar zamanı "İsveçin NATO-ya üzvlüyü, Türkiyə-Ermənistan və Azərbaycan-Ermənistan münasibətlərinin normallaşdırılması prosesləri, F-16-nın alınması və modernləşdirilməsi, həmçinin Taxıl Sazişi müzakirə edilib.
"Nazirlər iki ölkə arasında ümumi gündəliyi müzakirə etmək üçün ən qısa zamanda yenidən görüşməyə hazır olduqlarını vurğulayıblar", - Türkiyə XİN-dən bildiriblər.
Rusiya, Türkiyə, Ukrayna və BMT nümayəndələri tərəfindən 2022-ci il iyulun 22-də imzalanan Qara Dəniz Taxıl Təşəbbüsü Odessa da daxil olmaqla üç limandan Ukrayna taxılının, ərzaq və gübrələrin Qara dəniz vasitəsilə ixracını nəzərdə tutur. Gəmilərin hərəkətinin koordinasiyası İstanbuldakı Birgə Koordinasiya Mərkəzi tərəfindən həyata keçirilir. Rusiya prezidenti Vladimir Putin sentyabrda qeyd edib ki, Qərb Ukrayna taxılının böyük hissəsini Afrikanın ehtiyacı olan ölkələrinə deyil, öz dövlətlərinə ixrac edir.
Taxıl təşəbbüsü paket sazişinin tərkib hissəsidir. İkinci hissə - üç il müddətinə nəzərdə tutulmuş Rusiya-BMT memorandumu - Rusiyanın ərzaq və gübrə ixracının təmin edilməsini, Rusiya Kənd Təsərrüfatı Bankının SWIFT-ə yenidən qoşulmasını, kənd təsərrüfatı texnikası, ehtiyat hissələri və xidmətlərin tədarükünün bərpasını, nəzərdə tutur. Moskvada qeyd edir ki, paket sazişinin bu hissəsi hələ də həyata keçirilməyib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.