BAKI, 6 iyun — Sputnik. Ukraynanın hərbi kəşfiyyatı radioaktiv maddələrdən ibarət "çirkli bomba"dan istifadə etməklə Rusiyada terror aktı planı hazırlayıb.
Bu barədə Rusiya Federal Təhlükəsizlik Xidməti (FTX) məlumat verib.
FTX bəyan edib ki, Kiyevin beynəlxalq terror aktlarının hazırlanmasında iştirakı ilə bağlı əlavə məlumat əldə edib.
Belə ki, 2023-cü ilin mayında İvanovo vilayətindəki Severnı aerodromunda hazırlanan təxribatın araşdırılması zamanı Ukrayna Müdafiə Nazirliyinin Baş Kəşfiyyat İdarəsinin Rusiya ərazisində "çirkli bomba"dan istifadə etməklə terror aktı həyata keçirməyi planlaşdırdığı məlum olub".
İddia olunur ki, Kiyevdə eyni vaxtda partlaması nəzərdə tutulan təxirə salınma taymerləri ilə təchiz olunmuş "çirkli bomba"ların çatdırılması və yerləşdirilməsi üçün plan hazırlanıb.
Ukrayna kəşfiyyatının planına görə, bu, ərazini insanların yaşaması üçün yararsız hala gətirməli olub.
RİA Novosti-nin verdiyi məlumata görə, "çirkli bomba" radioaktiv izotopları və partlayıcı maddə yükü olan konteynerdir, partlayıcı maddə partlayanda o dağılır, radioaktiv "doldurma" isə zərbə dalğası ilə püskürür.
2022-ci ilin noyabrında Rusiya Xarici İşlər Nazirliyi qeyd edib ki, Kiyev hələ də "çirkli bomba" istehsal etmək və istifadə etmək qabiliyyətinə malikdir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.