BAKI, 6 iyun — Sputnik. Avstraliya yaxınlaşan hərbi yardım paketinin bir hissəsi olaraq Ukraynaya "Hawkei" zirehli texnikası təqdim etməyə hazırlaşır.
"Sidney Morning Herald" qəzeti mənbələrə istinadən bu barədə yazıb.
Razılaşma əldə edilib, lakin razılaşma Kanberranın rəsmi sistemləri vasitəsilə hələ işlənməyib. Yeni yardım paketinin NATO-nun iyulda Vilnüsdə keçiriləcək sammiti zamanı elan ediləcəyi gözlənilir.
Nəşrin məlumatına görə, Avstraliya ordusu əyləc nasazlığı səbəbindən və Kiyevi çoxlu sayda ehtiyat hissələri ilə təchiz etmək zərurətinə görə "Hawkei"nin verilməsinə qarşı çıxıb. Bununla belə, Ukrayna Müdafiə Nazirliyi əyləclə bağlı problemlərə əhəmiyyət vermədiyini qeyd edib. Departament əlavə edib ki, zirehli texnika Ukrayna qoşunlarının "yeni sevgisinə" çevrilib.
Qeyd edək ki, Rusiya Ukraynaya silah tədarük etdiyi üçün NATO ölkələrinə nota göndərib. Rusiyanın xarici işlər naziri Sergey Lavrov qeyd edib ki, içində Ukrayna üçün silah olan istənilən yük Rusiya üçün qanuni hədəfə çevriləcək. Rusiya Xarici İşlər Nazirliyi bildirib ki, NATO ölkələri Ukraynaya silah verməklə "odla oynayırlar". Ukraynanın Qərbdən silahlarla təchiz edilməsi Rusiya-Ukrayna danışıqlarının uğuruna kömək etmir və mənfi təsir göstərəcək.
Lavrov həmçinin bildirib ki, ABŞ və NATO Ukraynadakı münaqişədə birbaşa iştirak edirlər, "o cümlədən, təkcə silah tədarükü ilə deyil, həm də... Böyük Britaniya, Almaniya, İtaliya və digər ölkələrdə kadrların hazırlanması ilə".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.