BAKI, 5 iyun — Sputnik. Ermənistan "Dağlıq Qarabağ"ın statusu ilə bağlı danışıqlar aparmaq iddiasında deyil, çünki bunun üçün mandat yoxdur. Sputnik Ermənistan-ın xəbərinə görə, bunu Ermənistanın 2022-ci il büdcəsinin icrasının müzakirəsi zamanı Ermənistanın xarici işlər naziri Ararat Mirzoyan bildirib.
"Bəli, biz "Dağlıq Qarabağ"dakı ermənilərin gələcəyi ilə bağlı danışıqlar aparmaq üçün mandat almamışıq. Statusun müəyyən edilməsi məsələsinə iddia etmirik və buna cəhd də etmirik", - Mirzoyan bildirib.
Nazir onu da əlavə edib ki, İrəvan Ermənistan-Azərbaycan nizamlanması prosesində yalnız "Dağlıq Qarabağ" əhalisi ilə rəsmi Bakı arasında dialoq mexanizmini müzakirə edir.
Onun sözlərinə görə, Ermənistan bu dialoqun başlanması üçün mexanizmin, platformanın yaradılmasını təmin etməlidir.
Bundan əvvəl Ermənistanın baş naziri Nikol Paşinyan Azərbaycanın 86,6 min kvadratmetrlik ərazi bütövlüyünü tanıdığını bəyan edib, bura həm Azərbaycanın Qarabağ bölgəsi, həm də Sovet Azərbaycanının anklavları daxildir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.