BAKI, 31 may — Sputnik. Moskvaya pilotsuz təyyarələrin hücumu ilə bağlı Qərb ölkələrinin mövqeyi ən alçaq mövqedir.
Bunu "Sputnik" radiosunun efirində Rusiya Xarici İşlər Nazirliyinin rəsmi nümayəndəsi Mariya Zaxarova deyib.
O qeyd edib ki, Qərb yalnız onun üçün faydalı olanı şərh edir. Belə siyasət isə təbliğatdır.
Xatırladaq ki, mayın 30-da səhər saatlarında Moskva və Moskva vilayətinə pilotsuz təyyarə hücumu olub. Hücum Ukrayna tərəfindən təşkil edilib, Rusiya Federasiyasına səkkiz təyyarə tipli dron göndərilib. Rusiya Federasiyası Müdafiə Nazirliyinin məlumatına görə, zenit-top kompleksi vasitəsilə beş qurğu məhv edilib. Qalan pilotsuz təyyarələr radioelektron mübarizə vasitəsi ilə məhv ediliblər.