BAKI, 30 may - Sputnik. Ukrayna Silahlı Qüvvələri Rusiyanın Belqorod vilayətində sakinlərin müvəqqəti yerləşdirilməsi mərkəzini atəşə tutub, ölən və yaralananlar var. Bu barədə vilayətin qubernatoru Vyaçeslav Qladkov bildirib.
“Bu gün Ukrayna silahlı qüvvələri Şebekinski rayonunun köçürülmüş kənd bələdiyyələrinin sakinlərinin müvəqqəti yerləşdirilməsi mərkəzini atəşə tutub, insanlar həlak olub və yaralanıb”, - deyə Qladkov teleqram kanalında bildirib.
Vilayət rəhbəri həmin yerə getdiyini dəqiqləşdirib. Hadisə ilə bağlı təfərrüatların daha sonra açıqlanacaq.
Xatırladaq ki, by gün Rusiya hərbçiləri Kiyevin Moskvadakı hədəflərə hücum etməyi planlaşdırdığı 8 pilotsuz uçan aparatı ələ keçiriblər. Bu barədə Rusiya Müdafiə Nazirliyi məlumat yayıb.
Bildirilib ki, bu səhər Kiyev rejimi Moskva şəhərindəki obyektlərə pilotsuz uçuş aparatları ilə terror hücumu həyata keçirib.
"Hücumda səkkiz təyyarə tipli pilotsuz uçuş aparatı iştirak edib. Düşmənin bütün pilotsuz uçan aparatları vurulub".
Digər maraqlı xəbərləri həmçinin Sputnik Azərbaycan-ın Teleqram kanalından izləyin.