BAKI, 29 may - Sputnik. Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinlə telefon danışığı olub.
Bu barədə Türkiyə Prezident Administrasiyası məlumat yayıb.
Danışıq Rusiya tərəfinin təşəbbüsü ilə baş tutub.
Vladimir Putin Rəcəb Tayyib Ərdoğanı seçkidə qələbə qazanması münasibətilə təbrik edib. RF lideri prezident seçkilərinin nəticələrinin Türkiyə xalqı üçün xeyirli olmasını arzulayıb.
İki ölkə lideri yeni dövrdə Türkiyə-Rusiya münasibətləri və regional məsələlərdə əməkdaşlığın daha da inkişaf etdirilməsi barədə razılığa gəliblər.