BAKI, 27 may - Sputnik. ABŞ rəsmilərinin borc tavanına dair razılaşma əldə etməyə yaxınlaşması və OPEC-in toplantısı ərəfəsində Rusiya və Səudiyyə Ərəbistanından hasilat ilə bağlı fərqli mesajların verilməsi neft qiymətlərini bahalaşdırıb.
"Brent" markalı neft 69 sent və ya 0,9% artaraq 76,95 dollar olub. ABŞ-ın Qərbi Texas ("WTI") nefti isə 84 sent və ya 1,2% bahalaşaraq 72,67 dollar təşkil edib. Həftəlik "Brent" 1,7%, "WTI" isə 1,6% bahalaşaraq ikinci həftə də qazanc əldə edib.
Azərbaycan neftinin 1 barelə olan qiyməti isə 51 sent və ya 0,65% artaraq 78,98 dollar təşkil edib.
Bununla belə, bazarlar ehtiyatı gözləyir, çünki borc danışıqları uzana bilər və ABŞ-ın Mərkəzi Bankı faizləri qaldıra bilər.
Neft quyusu, arxiv şəkli
© AP Photo / Jon Fahey
Xatırladaq ki, Səudiyyə Ərəbistanın energetika naziri şahzadə Əbdüləziz bin Salman alyansın ilin ikinci yarısı üçün hasilat siyasətini nəzərdən keçirə biləcəyini söyləyib.
2022-ci ildə "Azeri Light" markalı neftin bir barelinin orta satış qiyməti 103,58 ABŞ dolları təşkil edib.
2021-ci ilin göstəricisi ilə müqayisədə ötən il "Azeri Light" nefti 44,6% bahalaşıb. 2022-ci il ərzində "Azeri Light" markalı neftin ən yüksək qiyməti 8 mart tarixində bir barel üçün 135,99 ABŞ dolları, ən aşağı qiyməti isə 8 dekabr tarixində 78,07 ABŞ dolları olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.