Qadınlar arasında 3x3 Dünya Basketbol Seriyasının Astara mərhələsi başa çatıb və finalda Çin idmançıları qalib gəlib. Bazar günü keçirilən final oyununda çinli qadınlar misirli basketbolçuları 21:15 hesabı ilə məğlub ediblər.
Qeyd edək ki, ilk üçlüyü yarımfinalda çinli qadınlara 17:19 hesabı ilə uduzan Ukrayna yığması qapayıb.
Azərbaycanın qadınlardan ibarət “Neftçi” klubu altıncı yeri tutub.
Xatırladaq ki, Astarada Azərbaycan, Almaniya, Çin, Polşa, Misir, Çexiya, Macarıstan, Rumıniya, Ukrayna və Avstriya yığmaları, Çinin “Yuanda” və yerli “Neftçi” klubları mübarizə aparıb.
İyunun 9-10-da Fransanın Klermon-Ferran şəhərində Qadınlar arasında Dünya Basketbol Seriyasının növbəti turu keçiriləcək.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.