BAKI, 19 may — Sputnik. 2023-cü ilin yanvar-aprel aylarında ictimai iaşə dövriyyəsi 2022-ci ilin müvafiq dövrü ilə müqayisədə real ifadədə 24,9% artaraq 569,2 milyon manat olub.
Bu barədə Dövlət Statistika Komitəsinin məlumatında bildirilib.
Qeyd edək ki, özəl sektorda ictimai iaşə dövriyyəsinin 50,6%-i hüquqi şəxslərin, 49,4%-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür.
Hüquqi şəxslər üzrə dövriyyə 2022-ci ilin yanvar-aprel ayları ilə müqayisədə 29,6% artaraq 285,1 milyon manat təşkil edib.