BAKI, 18 may — Sputnik. Cari ilin yanvar-aprel aylarında Azərbaycana 123 milyon 989,84 min dollar dəyərində 439 min 38,75 ton buğda idxal edilib.
Dövlət Gömrük Komitəsinin xəbərinə görə, bu göstərici ötən ilin eyni dövrü ilə müqayisədə həcm baxımından 32.8% və ya 100 min 996 ton, məbləğ baxımından isə 17.8% və ya 18 mln. 719 min çoxdur.
Hesabat dövründə ölkəyə gətirilən buğdanın 1 tonun qiyməti 11.3% azalaraq 303.1 dollara bərabər olub ki, bu da ötən ilin müvafiq dövründə 341.7 dollar təşkil edib.
Xatırladaq ki, cari ilin yanvar-aprel aylarında buğda idxalı Azərbaycanın ümumi idxalının 2.61%-nə bərabər olub.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.