BAKI, 17 may — Sputnik. Çinli tədqiqatçılar istifadəçilərə müxtəlif məhsulların qoxusunu hiss etməyə imkan verən simsiz iybilmə VR-interfeysi hazırlayıblar.
Bu barədə "Nature Communications" elmi jurnalında dərc olunub.
Tədqiqatda Pekin Aviasiya və Kosmonavtika Universitetinin, eləcə də Honq Konq Şəhər Universitetinin alimləri iştirak ediblər. Onların yaratdıqları qoxu generatorları virtual məkanda reaksiya sürəti, qoxu konsentrasiyasına nəzarət, fasiləsiz və uzun müddət işləmə, yüksək mexaniki və ya elektrik dayanıqlığı və aşağı enerji sərfiyyatına malikdir.
Tədqiqatçılar VR-interfeysinin iki modelini yaradıblar. Birincisi, burun altındakı dəriyə yapışdırılan və seçim etmək üçün iki ətir yarada bilən miniatür qoxu generatoru ilə təchiz edilib. İkincisi isə doqquz fərqli qoxu verə bilən yumşaq maskadır. Bu yeniliyin əyləncə və təhsil sahəsində geniş istifadə ediləcəyi güman edilir.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.