BAKI, 16 may — Sputnik. Çin, Türkiyə, Hindistan, İran, Özbəkistandan Rusiyaya tekstil məhsullarının tədarükü rekord həddə çatıb.
Bunu Rusiya Sənayeçilər və Sahibkarlar İttifaqının idarə heyətinin üzvü Andrey Razbrodin "Rossiyskaya qazeta"ya müsahibəsində bildirib.
Ekspert əlavə edib ki, Pakistanla ticarət dövriyyəsinin də artması gözlənilir.
Razbrodinin sözlərinə görə, son bir ildə Çinlə ticarət dövriyyəsi 40% artıb. Bu göstəriciyə, həmçinin toxuculuq sənayesi (ayaqqabı, ayaqqabı blankları, toxunmamış materiallar, kimyəvi liflər və s.) daxildir. Geyim ümumi toxuculuq və yüngül sənayenin yarısından azını təşkil edir.
Ekspert onu da bildirib hazırda bir çox Avropa şirkətləri istehsal həcmini yenidən Asiya ölkələrinə bölürlər. Tam miqyaslı dəyişdirmə qeyd olunur, tədarüklər istehsal üçün bütün növ parçalar, hazır geyimlər, boyalar və kimyəvi maddələrə təsir göstərir.
Daha əvvəl bildirilmişdi ki, bir sıra xarici geyim brendlərinin Rusiyadan getməsi 2022-ci ildə Moskvada bu qrup malların istehsalının 7 dəfə artmasına səbəb olub. Ölkənin digər bölgələrində də belə müsbət nümunələr var.