BAKI, 15 may - Sputnik. Gənc azərbaycanlı kinorejissor Türkan Hüseynin “Kapitan və Xəzər dənizi” film layihəsi “Doc Lab Poland”ın keçirdiyi Krakov Beynəlxalq Film Festivalında iştirak edəcək.
Azərtac xəbər verir ki, ekran əsəri 1990-cı il 20 Yanvar hadisələri haqqında animasiya ilə birləşdirilmiş sənədli filmdir.
Proqramın əsas məqsədi layihələrin tanıdılması və digər ölkələrin də layihəyə dəstəyini cəlb etməkdir.
Qeyd edək ki, Türkan Hüseyn Rüstəm İbrahimbəyov Kino Məktəbinin yetirməsidir.
DOC LAB POLAND 2015-ci ildən Vladislav Slesicki Film Fondu tərəfindən Krakov Film Festivalı ilə əməkdaşlıq çərçivəsində təşkil olunur. Bu, Polşada sənədli film çəkənlər üçün ən böyük proqramdır.
Bu günə qədər tamamlanan səkkiz nəşr 200-ə yaxın layihənin hazırlanması və ya təqdim edilməsi ilə nəticələndi, 80-dən çox film artıq bütün dünyada mükafatlar qazanıb (indiyə qədər təxminən 300 mükafat və xüsusi hədiyyələr).
Pitçinqdən əvvəl iştirakçılar dünyanın aparıcı ekspertləri və sənədli filmlər bazarındakı oyunçuların rəhbərlik etdiyi intensiv, çoxgünlük seminarlarında iştirak edirlər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.