BAKI, 14 may — Sputnik. Alimlərin fikrincə, bu əsrin sonuna qədər planetin ərazisinin yarısı yeni, onlar üçün qeyri-adi iqlim zonalarına daxil olacaq. Və bu, ilk növbədə qlobal istiləşmə ilə bağlıdır. Dəyişikliklər o qədər kütləvi olacaq ki, əvvəllər yaradılmış xəritələr yenidən işlənməli olacaq.
Bunu Virciniya Dövlət Tədqiqat Universitetinin (ABŞ) mütəxəssisləri iddia edirlər.
"Science Alert" nəşri elm adamlarının proqnozlarından sitat gətirib: "Əsrin sonuna qədər dünya quru kütləsinin 38-dən 50%-ə qədərinin bugünkündən fərqli iqlim qurşağında olacağı proqnozlaşdırılır".
Ekoloqlar iddia edirlər ki, əgər bəşəriyyət özünə gəlməsə və zərərli tullantıların azaldılmasına ciddi yanaşmasa, o zaman iqlim dəyişikliyi nəinki artmayacaq - onlar sürətlənməyə başlayacaq. Eyni zamanda, qida istehsalı ilk olaraq təhlükə altında olacaq, Yer kürəsində insanların əksəriyyəti isə ağcaqanadların daşıdığı xəstəliklərdən əziyyət çəkməyə başlayacaq.
Eyni zamanda, qütb zonasında buzlaqların əriməsi səbəbindən dəniz səviyyəsinin qalxması davam edəcək. Bu, dünyada yaşayış üçün yararlı torpaqların sahəsinin azalmasına səbəb olacaq.
Daha əvvəl bildirilmişdi ki, alimlər səthə yaxın okean sularının kəskin istiləşməsindən təşvişə düşüblər.