BAKI, 10 may — Sputnik. Rusiyada ehtiyatda olan hərbi vəzifəlilər toplanışa çağırılıb.
Bu barədə Rusiya Prezidenti Vladimir Putin rusiyalıların hərbi təlimlərə cəlb edilməsi haqqında fərman imzalayıb.
Sənəd hüquqi informasiyanın rəsmi portalında dərc olunub.
Fərmana əsasən, 2023-cü ildə Rusiya Federasiyasının Silahlı Qüvvələrində, Rusiya Federasiyasının Milli Qvardiyasının qoşunlarında, dövlət təhlükəsizlik orqanlarında və federal təhlükəsizlik xidməti orqanlarında hərbi təlim keçmək üçün ehtiyatda olan Rusiya Federasiyasının vətəndaşları çağırılır.
Fərmanın 2 və 3-cü bəndləri "xidməti istifadə üçün" başlığı altında gizlədilir. Dördüncü bənddə Rusiya Federasiyasının hökuməti və bölgələrdəki icra hakimiyyəti orqanları haqqında fərmanın icrası üçün məsuliyyəti bölüşdürür.
Rusiya Federasiyasının Prezidenti hər il ehtiyatda olan hərbçilərin hərbi təlimlərə çağırılması haqqında fərman imzalayır.
"Hərbi vəzifə və hərbi xidmət haqqında" 54 No 53-FZ nömrəli sənədə görə, hərbi toplanışın müddəti iki aydan çox ola bilməz.
Qismən səfərbərlik
2022-ci ilin sentyabrın 21-də Rusiyada qismən səfərbərlik elan olunub. Bunu Rusiya Prezidenti Vladimir Putin rusiyalılara müraciətində bildirib: "Hərbi xidmətə yalnız hazırda ehtiyatda olan və ilk növbədə Silahlı Qüvvələrdə xidmət etmiş, müəyyən hərbi ixtisaslara və müvafiq təcrübəyə malik olan vətəndaşlar çağırılacaq".
Ukraynada nə baş verir?
Xatırladaq ki, Rusiya fevralın 24-də Ukraynada xüsusi hərbi əməliyyata başlayıb.
Prezident Vladimir Putin onun məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" kimi ifadə edib.
Bunun üçün, onun sözlərinə görə, "Ukraynanın demilitarizasiyası və denasifikasiyası"nın həyata keçirilməsi, Donbasda "mülki əhaliyə qarşı qanlı cinayətlərə" cavabdeh olan bütün hərbi cinayətkarların məsuliyyətə cəlb edilməsi planlaşdırılır.
Rusiya Federasiyasının Müdafiə Nazirliyinin məlumatına görə, Silahlı Qüvvələr yalnız hərbi infrastruktura və Ukrayna qoşunlarına zərbələr endirir.