BAKI, 4 may — Sputnik. Moskva bilir ki, Kiyev Vaşinqtonun diktəsi ilə zərbələr üçün həm vasitə, həm də hədəf seçir. Bunu jurnalistlərə Rusiya Federasiyası Prezidentinin mətbuat katibi Dmitri Peskov Ukrayna pilotsuz təyyarələrinin bir gün əvvəl Kremlə hücumunu şərh edərkən deyib.
"Biz yaxşı bilirik ki, bu cür hərəkətlərə, terror aktlarına dair qərarlar Kiyevdə qəbul edilmir. Daha doğrusu, Vaşinqtonda qəbul edilir. Kiyev isə artıq ona deyilənləri yerinə yetirir", - deyə Peskov bildirib.
Kremlin sözçüsü qeyd edib ki, çox vaxt hətta hədəflərin özü də Kiyev tərəfindən müəyyən edilmir, onlar Vaşinqtonda müəyyən edilir və sonra Kiyevə deyilir ki, Kiyev onları yerinə yetirsin", - Peskov qeyd edib.
Rusiya prezidentinin sözçüsü bildirib ki, İstintaq Komitəsi və digər qurumlar hazırda Ukrayna pilotsuz təyyarələrinin Kremlə hücumunu araşdırır.
"Təbii ki, baş verənlərlə bağlı çox ciddi araşdırma aparılır. Nəticəni gözləmək lazımdır və bunun nə vaxt olacağını bilmərəm, artıq bu onlardan asılıdır", - deyə Peskov deyib.
Qeyd edək ki, mayın 3-də Kremlə dronlarla hücum olub. Rusiya prezidentinin mətbuat xidməti bu məsələdə Ukraynanı ittiham edib və hadisəni terror aktı kimi qiymətləndirib. Kremldən bildirilib ki, bu, dövlət başçısı Vladimir Putinə sui-qəsd cəhdidir.