BAKI, 27 aprel - Sputnik. Sputnik Litva-nın baş redaktoru Marat Kasem Latviya həbsxanasından zaminə buraxılıb. Bu barədə Sputnik BZ yerli teleqram kanalına istinadən xəbər verir.
Sputnik Litva-nın baş redaktoru Marat Kasem Latviya həbsxanasından zaminə buraxılıb. Yerli teleqram kanalının məlumatına görə, məhkəməyə qədər Marat ev dustaqlığında və polis nəzarətində olacaq.
Qeyd olunur ki, Kasem saat 23:00-dan 7:00-dək qeydiyyat yerində evdə olmaq və həftədə iki dəfə polis bölməsində qeydiyyatdan keçmək məcburiyyətindədir.
Kasem Latviya vətəndaşıdır, o, bir neçə ildir ki, Moskvada Sputnik Litvanın da daxil olduğu Russia Today media qrupunda yaşayır və işləyir.
2022-ci il dekabrın 30-da jurnalist ailəvi səbəblərə görə Latviyaya gəlib. Sputnik Litva-nın məlumatına görə, Kasem saxlanılıb və yanvarın 5-də Riqa məhkəməsi onu həbs edib, jurnalist artıq Riqa mərkəzi həbsxanasına köçürülüb.
Yanvarın ortalarında Riqa məhkəməsi Kasemi həbsdə saxlayıb, onun şikayəti təmin edilməyib. Rusiya Xarici İşlər Nazirliyi bildirib ki, Kasem-in Latviyada saxlanılması onun prinsiplərə sadiqliyinə görə diktatura rejimlərinin qisasıdır və müxalif fikirlərə qarşı terrordur.
Rusiya Ombudsmanı Tatyana Moskalkova “Sputnik Litva”nın baş redaktorunun saxlanmasını söz azadlığına qəsd adlandırıb və BMT-nin İnsan Hüquqları üzrə Ali Komissarlığına müraciət edib.
“Rossiya Seqodnya” media qrupunun baş direktoru Dmitri Kiselyov Kasem-in saxlanması ilə bağlı danışarkən qeyd edib ki, media qrupu beynəlxalq ictimaiyyəti cavab verməyə və Kasemi azad etmək üçün mümkün olan hər şeyi etməyə çağıracaq.
Kiselyov həbsin özünü qeyri-qanuni adlandırıb və onun sözlərinə görə, həbs “Avropa qanunsuzluğu şəraitində baş verir, o zaman ki, insan peşəkar jurnalist fəaliyyəti ilə məşğul olduğuna, fikrinə, ifadə etdiyi mövqeyinə, məlumatına görə həbs oluna bilər”.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.