BAKI, 27 aprel — Sputnik. Türkiyə və Rusiya prezidentləri Rəcəb Tayyib Ərdoğan və Vladimir Putin cümə axşamı keçirilən telefon danışıqları zamanı Ukraynadakı vəziyyəti, taxıl sazişinin həyata keçirilməsini və Ukrayna böhranının həlli üçün işçi qrupunun yaradılmasını müzakirə ediblər.
Türkiyə liderinin ofisindən jurnalistlərə verilən məlumata görə, telefon danışığı zamanı Rusiyanın xüsusi hərbi əməliyyatı və "taxıl sazişi çərçivəsində görülən işlər"lə bağlı məsələlərə toxunulub.
Türkiyə prezidenti "taxıl müqaviləsi" ilə bağlı yeni təşəbbüslər üzərində işləmək imkanını açıqlayıb və işçi qrupunun yaradılmasını təklif edib.
Bundan əlavə, həmsöhbətlər Suriyadakı son hadisələri müzakirə ediblər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.