BAKI, 26 aprel — Sputnik. 2070-ci ilədək 65 yaşdan yuxarı yaponların nisbəti ümumi əhalinin, təxminən 40%-ni təşkil edəcək. Həmin vaxta qədər Doğan Günəş ölkəsinin sakinlərinin sayı 2020-ci illə müqayisədə, təxminən 30% azala bilər.
Yaponiya Milli Əhali və Təhlükəsizlik İnstitutunun statistik proqnozu bunu deməyə əsas verir.
Belə ki, 2070-ci ildə 65 yaşdan yuxarı "orta doğum nisbəti" ilə yaponlar ümumi əhalinin 38,7%-ni təşkil edəcək ki, bu da cədvəldə göstərilən digər ölkələr arasında ən yüksək göstəricidir. Ən yaxın göstəricilər İtaliya (37,37%), Yunanıstan (35,45%) və Portuqaliya (35,3%) üçün proqnozlaşdırılır.
Demoqrafların fikrincə, Yaponiyada doğum səviyyəsi aşağı olarsa, 2070-ci ilə qədər 65 yaşdan yuxarı insanların sayı ümumi əhalinin 42%-nə çata bilər.
"Orta doğum səviyyəsi"nə əsaslanan proqnoza görə, Yaponiya əhalisi 2056-cı ilə qədər 100 milyon nəfərdən aşağı düşəcək. Əgər "aşağı doğum nisbətindən" çıxış etsək, Yaponiya əhalisinin 100 milyon səviyyəsindən aşağı azalması hələ 2052-ci ildə baş verə bilər.
Ən əlverişsiz proqnozla 2070-ci ilə qədər Yaponiyanın əhalisi, təxminən 80,2 milyon nəfər olacaq ki, bu da ölkədə 126,15 milyon vətəndaşın yaşadığı 2020-ci illə müqayisədə, təxminən 30% azdır. Eyni zamanda, 14 yaşa qədər yaponların sayı cəmi 7,1% təşkil edəcək.
2070-ci ilə qədər Yaponiyada yaşayan xarici vətəndaşların sayı, təxminən 10,8% təşkil edəcək, 2020-ci ildə isə onlar Yaponiya əhalisinin yalnız 2,2%-ni təşkil edəcək.