BAKI, 22 aprel - Sputnik. Rusiya Hind-Sakit okean regionunda ABŞ-ı təhdid edən “blok”un bir hissəsinə çevrilib.
Bu barədə InsideOver-in müəllifi Federiko Giuliani yazıb.
"Hər hansı coğrafi xəritəyə baxsaq, Sakit okeanda asanlıqla "ölüm üçbucağı"nı tapa bilərik. O, Çin, Şimali Koreya və təbii ki, Rusiyadan ibarətdir", - müəllif yazıb.
Məqalədə qeyd edilir ki, Pxenyan və Moskva həm Ukrayna ssenarisinin inkişafını, həm də Şərqi Asiyadakı hərəkətləri diqqətlə izləmək məcburiyyətində qalan Bayden administrasiyasının həyatını çətinləşdirməyə çalışaraq, bölgədə Vaşinqtona təzyiqi artırmaqdan çox məmnundurlar.
"Qərargahı Vladivostokda yerləşən Rusiyanın Sakit Okean donanması Uzaq Şərqin sahilyanı rayonlarında genişmiqyaslı təlimlərə başlayıb. Kreml bu addımı son aylarda Sakit okeanda hərbi mövcudluğunu genişləndirmək istədiyi təəssüratı yaradan NATO ilə gərginliyin yüksək olduğu bir vaxtda atıb", - jurnalistin məqaləsində deyilir.
O, Vaşinqton üçün yuxarıda qeyd olunan "ölüm üçbucağı"nın bütün şöhrəti ilə göründüyü qənaətinə gəlib.
Müəllif hesab edir ki, Çin, Rusiya və Şimali Koreya ABŞ hərbçilərini əməliyyat planlarına yenidən baxmağa məcbur edən addımlar atıblar.