BAKI, 18 aprel — Sputnik. Səudiyyə Ərəbistanının xarici işlər naziri Feysəl bin Fərhan Suriya Prezidenti Bəşər Əsədə krallığa səfər etmək üçün dəvət göndərəcək.
Daha əvvəl adı açıqlanmayan mənbə RİA Novosti-yə bildirib ki, Səudiyyə Ərəbistanı XİN rəhbəri çərşənbə axşamı Suriyanın paytaxtı Dəməşqə gələcək və bu, krallıqdan Suriyaya 2011-ci ildən bəri ilk belə səfər olacaq.
"Səudiyyə Ərəbistanının xarici işlər naziri prezident Əsədə krallığa səfər etmək üçün dəvət göndərəcək", - telekanalın mənbələri bildirib.
Məlumata görə, Əsədin Səudiyyə Ərəbistanına səfəri Ramazan bayramından sonra baş tuta bilər.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.