BAKI, 10 aprel — Sputnik. Naxçıvanda Azərbaycan Ordusunun iki hərbi qulluqçusu itkin düşüb.
Bu barədə Azərbaycan Müdafiə Nazirliyinin Mətbuat Xidməti məlumat yayıb.
Bildirilir ki, Naxçıvan Muxtar Respublikasının Şahbuz rayonu istiqamətində əlverişsiz hava şəraitində məhdud görmə səbəbindən Azərbaycan Ordusunun iki hərbi qulluqçusu ərazidə istiqaməti itirərək azıb.
"Hazırda hərbi qulluqçularımızın axtarışı ilə bağlı zəruri tədbirlər görülür", - qurumun Mətbuat Xidməti bildirib.