BAKI, 6 aprel — Sputnik. Razılaşdırılmamış məsələlər yaranarsa, Rusiya və Belarus tərəfləri uyğun həll yollarını tapacaqlar. Bunu Rusiya prezidenti Vladimir Putin İttifaq Dövlətinin Ali Dövlət Şurasının iclasında deyib.
Onun sözlərinə görə, hazırda belə məsələlər mövcud deyil.
"Hökumətlər və parlamentlər bugünkü iclasımızı hazırlamaq üçün çox çalışıblar. Əslində, biz yalnız sizin işinizin nəticələrini qeyd etmək üçün toplaşmışıq. Bu işə görə sizə təşəkkür edirəm. Ümid edirəm ki, hər hansı razılaşdırılmamış məsələ olarsa və hər iki tərəf üçün məqbul həll yolları tapacağıq", - Putin bildirib.
İclasda Belarus Prezidenti Aleksandr Lukaşenko da iştirak edib. O, bir gün əvvəl, aprelin 5-də Moskvaya gəlib və dövlət başçıları arasında danışıqlar aparılıb.
Belarus lideri də öz növbəsində bildirib ki, o, Vladimir Putinlə İttifaq dövləti ilə bağlı bütün aktual məsələlərlə bağlı qərar qəbul edib.
"İttifaq Dövlətinin Ali Dövlət Şurasının iclası ərəfəsində danışıqlar zamanı Belarus və Rusiya prezidentləri bütün məsələlərlə bağlı qərar qəbul ediblər", - Lukaşenko Kremlə gələrkən jurnalistlərə bildirib.
Onun sözlərinə görə, onlar öz dövlətlərini və xalqlarını qorumaq üçün bütün güc və vasitələrdən istifadə edəcəklər.
Xatırladaq ki, bu gün Moskvada, Böyük Kreml sarayında İttifaq Dövlətinin Ali Dövlət Şurasının iclası keçirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.