BAKI, 3 aprel — Sputnik. Rusiya ətrafında hadisələrin aqressiv inkişafı cavab hüququnu özündə saxlamağı zəruri edir. Bunu Rusiya prezidentinin mətbuat katibi Dmitri Peskov Rusiya xarici siyasətinin yeni konsepsiyası haqqında danışarkən deyib.
"Qabaqlayıcı tədbirlərdən praktikada geniş tətbiq olunur və dünyanın bir çox ölkələri tərəfindən istifadə olunur. İlk növbədə, söhbət kollektiv Qərb ölkələrindən gedir. Hadisələrin bu cür, xüsusən də aqressiv inkişafı, bizim də belə bir hüququ qoruyub saxlamağımızı zəruri edir", - Peskov deyib.
Bunun yeni reallıqlar fonunda yenilənmə olub-olmaması ilə bağlı suala Peskov müsbət cavab verib.
"Əlbəttə. Konseptin özü yeni reallıqlar fonunda yenilənib", - o bildirib.
Rusiya Prezidenti Vladimir Putinin fərmanı ilə Rusiyanın xarici siyasətinin yeni konsepsiyası təsdiq edilib. Orada deyilir ki, Rusiya özünü Qərbin düşməni hesab etmir və ondan təcrid etmir, düşmənçilik niyyəti yoxdur.
Eyni zamanda, Moskva ABŞ-ın kursuna öz təhlükəsizliyi və beynəlxalq sülh üçün əsas risk mənbəyi kimi baxır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.