BAKI, 30 mart — Sputnik. ABŞ özünü növbəti "Roma İmperiyası" kimi təsəvvür edib və qaçılmaz süqut bir ölkənin dünyanın taleyini həll etmək cəhdlərinin cəzası olacaq.
Türkiyənin "Yeni Şafak" qəzetinin köşə yazarı Abdulla Muradoğlu belə hesab edir.
"Respublikadan imperiyaya çevrilmiş Amerika qoca Romanı təkrarlayır. Romanın zəif tərəfləri Amerikanın zəif tərəfləri oldu. Roma kimi Amerika İmperiyası da dağılacaq", - deyə Muradoğlu yazıb.
Jurnalist qeyd edib ki, İraqın işğalından iyirmi il sonra ölkədə kütləvi qırğın silahlarının olması barədə qəsdən uydurulmuş məlumatlar əsasında amerikalı siyasətçilər öz qərarlarından qətiyyən peşman olmayaraq öz hərəkətlərinə dünyanın maraqları naminə haqq qazandırmağa davam edirlər.
"Onlar İraq xalqına azadlıq, sülh və demokratiya gətirməli və müasir dövlət qurmalı idilər. Bu da yalandır", – jurnalist belə hesab edir.
Bundan əlavə, müşahidəçi ABŞ-ın marionet hökumətinin köməyi ilə ölkə ərazisində uğursuz şəkildə qurmağa çalışdığı "Amerika nizamının" qurbanı olmuş Əfqanıstanı da xatırladıb.
Jurnalist əmindir ki, imperiya yolu ilə getmək ABŞ-a öz rejiminin dağılmasından başqa heç nə gətirməyəcək.
Bundan əvvəl amerikalı jurnalist Seymur Herş bəyan edib ki, ABŞ Prezidenti Co Bayden Ukraynanı dəstəkləyir, çünki bu, 2024-cü ildə yenidən dövlət başçısı seçilməsində ona kömək edə bilər.