BAKI, 30 mart — Sputnik. Rusiya Prezidenti Vladimir Putinin aprelin 27-də "Akkuyu" AES-dəki nüvə yanacağının doldurulması mərasimində iştirak formatı hələ müəyyən edilməyib, lakin Rusiya tərəfi bu tədbirdə layiqincə təmsil olunacaq.
Dövlət başçısının mətbuat katibi Dmitri Peskov bu barədə cümə axşamı jurnalistlərə bildirib.
Kremlin sözçüsü "Putinin belə bir səfər planlaşdırırmı, yoxsa prezidentin videobağlantı vasitəsilə mərasimdə iştirak edib-etməyəcəyi" sualına "Hələlik dəqiq qərar verilməyib" deyə cavab verib.
"Deyə biləcəyimiz yeganə şey odur ki, Rusiya tərəfi, əlbəttə ki, bu və ya digər şəkildə adekvat şəkildə təmsil olunacaq və aprelin sonunda keçiriləcək mərasimdə iştirak edəcək", - deyə Peskov əlavə edib.