BAKI, 27 mart — Sputnik. "Şimal axını" qaz kəmərlərinin bərpası üçün Qərb ölkələrindən müəyyən ilkin şərtlər lazımdır.
"RİA Novosti" yazır ki, bu barədə Rusiya Xarici İşlər Nazirliyinin iqtisadi əməkdaşlıq şöbəsinin rəhbəri Dmitri Biriçevski bildirib.
Söhbət, xüsusilə, Rusiya tərəfinin boru kəmərlərində təxribatın təhqiqatına buraxılmasından gedir.
"Qərb ölkələrinin Rusiyanın özünün enerji obyektində terror aktını araşdırmasının qarşısını almaq üçün hazırkı hərəkətləri enerji sektorunda Rusiya ilə normal münasibətlərdə maraqlı olmadıqlarını göstərir", - deyə Biriçevski bildirib.
Onun sözlərinə görə, hazırda boru kəmərlərinin gələcək taleyi haqqında danışmaq hələ tezdir. Lakin bir sıra ekspertlər hesab edirlər ki, zədələrin bərpası mümkündür, çünki yarılma yerləri cəmi 100 metr dərinlikdədir ki, bu da lazımi təmir işlərinin aparılmasına imkan verir.
Daha əvvəl departament rəhbəri bildirib ki, Rusiya müəyyən bir zamanda "Şimal axını" qaz kəmərlərinin partlaması ilə bağlı dəyən ziyanın ödənilməsini tələb edə bilər. Bununla yanaşı, Moskva Rusiya Federasiyasının nümayəndələrinin iştirakı ilə hərtərəfli və açıq beynəlxalq təhqiqatın aparılmasını israr etməkdə davam etmək niyyətindədir.