BAKI, 23 mart - Sputnik. Rusiya Müdafiə Nazirliyi cümə axşamı bildirib ki, Rusiya hərbçiləri xüsusi hərbi əməliyyat zamanı gün ərzində Donetsk istiqamətində 250-dən çox ukraynalı əsgəri məhv ediblər.
“Donetsk istiqamətində Cənub Qüvvələr Qrupunun bölmələri və artilleriya atəşi nəticəsində 250-dən çox ukraynalı hərbçi, 6 tank, 5 zirehli döyüş maşını, 7 avtomobil və bir D-20 haubitsası məhv edilib”, - Rusiya Müdafiə Nazirliyinin hesabatında deyilir.
Qeyd olunur ki, Lastoçkino qəsəbəsi ərazisində Ukrayna hərbçilərinin 53-cü mexanikləşdirilmiş briqadasının sursat anbarı da məhv edilib.
Krasnly Liman istiqaməti
Rusiya Federasiyasının Müdafiə Nazirliyi bildirir ki, Krasnıy Liman istiqamətində hücum və ordu aviasiyası, artilleriya və “Mərkəz” qoşun qruplaşmasının bölmələrinin aktiv əməliyyatları ilə düşmənin canlı qüvvəsi və texnikası Luqanskda Chervonaya Dibrova, həmçinin Donetskdə Yampolovka və Tern rayonlarının ərazisində vurulub.
Bu istiqamətdə bir sutka ərzində 80-dən çox ukraynalı hərbçi, iki zirehli texnika, üç pikap, həmçinin D-30 haubitsası məhv edilib.
Kupyansk istiqaməti
RF Silahlı Qüvvələrinin Kupyansk istiqamətində "Qərb" qruplaşması Ukrayna Silahlı Qüvvələrinin bölmələrini Xarkov vilayətinin Artyomovka, Luqanskın Dvureçnaya və Berestovye yaşayış məntəqələri ərazilərində vurub.
“Bu istiqamətdə düşmənin itkiləri 70-ə qədər ukraynalı hərbçi, bir piyada döyüş maşını, iki pikap, bir “Qrad” döyüş maşını və ABŞ istehsalı olan M777 artilleriya sistemi təşkil edib”, - deyə Müdafiə Nazirliyindən bildirilib.
Əməliyyat başlanandan
Xüsusi əməliyyat başlayandan indiyədək Ukraynaya məxsus 404 hərbi təyyarə, 224 helikopter, 3544 pilotsuz uçuş aparatı, 414 zenit-raket kompleksi, 8384 tank və digər zirehli döyüş texnikası, 1071 reaktiv yaylım atəşi döyüş maşını, 4415 çöl artilleriya qurğusu və minaatan, o cümlədən 9073 ədəd xüsusi təyinatlı hərbi texnika məhv edilib.