BAKI, 23 mart — Sputnik. Bakı Şəhəri üzrə Təhsil İdarəsininin tabeliyindəki məktəblərdən ən az sinif komplekti olan məktəb Xəzər rayonu 122 nömrəli ümumi orta məktəbdir. Bu məktəbdə ümumilikdə 8 sinif var, 97 şagird təhsil alır.
Bu barədə Elm və Təhsil Nazirliyindən Sputnik Azərbaycan-ın sorğusuna cavab olaraq bildirilib.
Nazirlikdən verilən məlumatda bildirilib ki, ən az şagirdi olan məktəb Pirallahı rayonu 131 nömrəli tam orta məktəbdir. Burada ümumilikdə 10 sinif var, şagird sayı isə 65-dir.
Qeyd edək ki, 122 nömrəli ümumi orta məktəb Xəzər rayonu Qışlaq sahəsində, 131 nömrəli tam orta məktəb isə Çilov adasında yerləşir.
Ucqar ərazidə yerləşən hər iki məktəbin yaxınlığında başqa məktəb yoxdur.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.