BAKI, 21 mart - Sputnik. Moskva Metropoliteninin vaqonlarında Xalq Təsərrüfatı Nailiyyətləri Sərgi Mərkəzindəki "Azərbaycan" pavilyonu haqqında videoçarx nümayiş olunub.
Metronun vaqonlarında olan məlumat ekranlarında "Azərbaycan" pavilyonu haqqında hazırlanmış video material martın 14-dən 21-dək göstərilib.
Hər gün metrodan istifadə edən 7 milyona yaxın insan "Azərbaycan" pavilyonunu hər detalı ilə görə bilib (APA).
Pavilyonun direktoru Səadət Kadırova videoçarxın eksklüziv olaraq metro üçün hazırlandığını söyləyib.