BAKI, 16 mart - Sputnik. “Şimal axını”nın partladığı yerdən 30 kilometr aralıda qaz kəməri strukturuna daxil olmayan və bomba parçası ola bilən obyekt tapılıb. Bu, bu hadisə ilə bağlı BMT-nin təcili komissiyasının yaradılmasını zəruri edir. Bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova deyib.
Rusiya XİN-in bəyanatında deyilir ki, “Nord Stream AG” şirkəti tərəfindən Danimarkanın eksklüziv iqtisadi zonasında boru kəmərlərindən birinə baxış keçirməsi zamanı partlayış yerindən 30 kilometr aralıda yerləşən və “Şimal axını”nın bir hissəsi olmayan obyekt aşkar edilib ki, bu da partlayıcı qurğunun elementini təşkil edə bilər".
“Aşkar edilmiş “tapıntı” bir daha göstərir ki, təxribatın təfərrüatlarının aydınlaşdırılması və gələcəkdə bunun təkrarlanmaması üçün BMT Baş Katibi tərəfindən müvafiq komissiyanın yaradılması ilə bağlı BMT Təhlükəsizlik Şurasının təcili qətnamə qəbul etməsi zəruridir", - deyə Zaxarova bildirib.
“Kollektiv Qərb” ölkələrinin Rusiyaya istintaqa icazə verməkdən imtina etdiklərini nəzərə alaraq, onların qətnamə layihəsi üzərində konstruktiv işdən qaçmaları həqiqətin üzə çıxarılmasına qəsdən yaradılmış maneələrin sübutu olacaq”, - deyə diplomat fikrini tamamlayıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.