BAKI, 12 mart — Sputnik. Ermənistan hakimiyyətinə müxalifətdə olan ölkə parlamentinin eks-deputatı Gevorq Petrosyan saxlanlıb.
Bu barədə eks-deputatın özü açıqlama verib.
"Əziz həmvətənlərim, bu gün məni saxladılar. Bunu da görmək lazım idi... Gülməli bir maddə əsasında", - deyə Petrosyan sosial şəbəkələrdə yazıb.
Petrosyanla birlikdə "Çiçəklənən Ermənistan" Partiyasının fraksiyasının üzvü olan digər eks-deputat Naira Zöhrabyan deyib ki, keçmiş parlamentari gecə saatlarında "gülünc maddə - patrul əməkdaşlarına tabe olmamaq" maddəsi ilə saxlanılıb. O, daha sonra ətraflı məlumat verəcəyini vəd edib.
Qeyd edək ki, Gevorq Petrosyan hüquqşünasdır, vəkillik fəaliyyəti ilə məşğuldur.